witlik sij dat Tile ghereken vnde Gheseke kreuettes were(n) schelafftich / alse van etliken worden , an dat echte to drepende so dat de vorscre(ue)n(e) / Gheseke eme to sprak dat he ere elike man were , dar , ouer se vor deme / heren proueste worden vorscheden vnde ock , dar , na vormiddelst den / ersame(n) her(e)n Johan(n) hoceman(n) vnde hern ¹ Bertold witick , to den tiden richte/uogede(n) van des Rades wegen dar , to gecoget , wart , vnder en beiden / ene vruntlike degedinge gemaket , so dat de erben(omede) Tile to enem(e) gantzen / ende er scholde geue(n) xv lubessche marck aldus de erben(mede) Gheseke / vor deme , Rade vnde vor deme boke hefft , bekand , dat se de xv marck tor / noghe hebbe entfangen vnde se vorlatet daru(m)me , Tilen erben(omede) vnde / sine erue(n) van der vorscre(ue)n(en) sake wegen vnde aller ander(e)n to sprake / went an dessen dach , genszliken leddich qwit vnde los vnde en wil / daup nu(m)mer mer saken noch mit , gheistlikem noch mit werliken / rechte In to komenden tiden In jenige wise [Juss(um) ass ?] /