Anno [et cetera] . mº . ccccxlvj . michaelis /

Hans pokerantz vom groten felte bij Meideborch belegen vor deme Boke hefft bekant / alse he sik na jnneholde ener scrifft In dessem(e) Boke gescreue(n) dusent veerhundert / xlv jar Simo(n)is (et) Jude hebbe vordraghen mẏt her johan(n) houeman(n) Radman(n) / to lubeke wolter bisscoppe Arnde van Luͮne hanse brunes vnde hanse hosen borgher(e)n / to lubeke vnde sulff heren vp der sulten to odeszloe to buwende enen sod vp / der sulte to odeszloe des vorwillekoret sick de sulue hans pokerantze vor dessem(e) / Boke dat he twisschen dess(en) vnde vastelauende , erst komet den vorscr(euen)en sulffheren / wille to wetende don , efft he den vorsr(euen)en sod vp der sulten to Odeszloe wille buwen / edder nicht vnde wil he den suluen sod buwen so schal he hir vor pinxsten / erst komet wesen den suluen Sod to buwende , vnde to eme ende to bringende alse he / ersten kan vnde efft he eme also nicht en dede , so sollen alle vorscr(eu)en(en) dedinge / In dessem(e) begrepen qwijt vnde losz wesen /