witlik sij dat twidracht vnde schelinge is gewesen twisschen Albert kynde / vnde hermen blomenberghe Alse van hundert marke lub(sch) de hinr(ik) vocken / weren geantwerdet de hermen van Alberde alse enem(e) vormu(n)dere mende / to manende daru(m)me se doch fruntliken sin vorscheden so dat hermen vor sick / vnde sine eruen den suluen Alberde vnde sine eruen van der wegen vor dem(e) / Boke hefft vorlaten genszliken qwijt leddich vnde losz van allen vorder mani(n)ge / vnde ansprake /

Jachim dickman vor deme Boke hefft bekant dat Gerardus de boeris eme gantz vnde / all genoch hebbe gedan vor sinen denst de he Gerardo twisschen lubeke vnde / vendye vnde In ander(e)n landen hebbe gedan bette vppe dessen dach daru(m)me he / Gerardo fruntliken danckede de sulue(n) Jachim bekande vorder vor dem(e) boke / dat he vnde Gerardus In seltscoppen Rekenscoppen wedderlecgingen In ko=/penschoppen twisschen ene beth vppe dessen dach gehat genszliken malk ander / sin geschichtet vnde gescheden daru(m)me Jachim mẏt sinen eruen den vorscreuen(en) / Gerardus vnde sine eruen van der wegen vorlatet van vorder mani(n)ge vnde / to saghe genszliken qwijt leddich vnde losz dergeliken vorlatet Gerardus den / vorscreuen(en) Jachim van der wegen van vorder mani(n)ge qwijt vnde losz /