Anno (et cetera) . mº . ccccxlvij Jubilate /

Geseke euerdes en moder hanse euerdes den de Junge hans kroger to Slukup / dot warp mẏt ener barden Clawes prael vnde Godeke bonhoff alse de negesten / vrunde vnde maghe hans Euerdes seligen vor deme Boke hebben bekant dat erer / beider vru(n)de twisschen ene hebben ene fru(n)tlike sone vnde vorbeteri(n)ge vor den / vorscreuen(en) doden hanse euerdes seligen hebben gededinget , to eme gantzen ende / aldus dat de Junge hans kroger vor den doden gifft xx mark lub(esche) pen(ninge) der ge=/seke x mark rede hefft entfangen van hanse krog(er)e erben(omed) alse se ¹ des vor deme / Boke hefft bekant vorder bekennet hans krog(er) dat he vnde sine erue(n) schollen / vnde willen¹ geseken erben(omed) vnde eren eruen de andern x mark lub(esch) vp paschen erst / komet vthe sinen beredesten guder(e)n betalen vnbeworen ² hir mede de vorscreuen(en) / Geseke Clawes prael vnde godeke bonhoff myt eren eruen magen vnde vru(n)den / vorlaten Jüngen hanse krog(er)e sine eruen mage vnde vru(n)de geboren vnde vngebor(en) / van des vorscreuene(en) doden weghen hansen euerdes van aller vorder mani(n)ge vnde / wrake leddich vnde losz /