Hermen gleyͦseman Mathias hinrikes vnde Hans van Collen myt samender / hant vorsik vnde ere eruen , vor deme Rade hebben gelouet den vormu(n)der(e)n / seligen helmich van plesse , also bij naͤmen her Johan westual , Radman to / lubeke hermen darssouwe hildebrant , hoẏeman dat se noch ere erue neͤne / mani(n)ge , offte ansprake solen lyden , also van Bruͤtschattes weghen vormaͤr=/greten , seligen helmich van Plessen nalatene wedewe(n) vnde weret sake / dat de vormu(n)dere , off testamentarij seligen helmich van plessen vorbenomet / of ere(n) ercen Jenige mani(n)ge in tokomenden tijden leͤden van des vorscreuen(en) / bruͦtschattes weghen , dar solen vnde willen , de vorg(ena)nten hermen gleysema(n) / Mathias hinrikes hans van Collen vnde ere ercen , de vorscreuen(en) testamentarij / off vormu(n)dere seligen helmiges van Plesse vnde eren erue(n) genszliken scha=/delosz van holden Gescreuen bij becele des Rades /