Anno (et cetera) . mº . ccccxlixº oculj /

Ik hans krispin zegeboden crispins zeligen sone vor den / heren deme Rade to lubeke vnd(e) vor dem(e) boke bekenne / dat mẏ de heren de Rad der Stad lubeke Jn erem(e) torne / vnd(e) vorwarnige hebben gehat vm(m)e bede willen myner / vrunde van zaken de se vm(m)e mẏnes besten willen to / mẏ hadden to seggende Doch de heren de Rad to lubeke / vm(m)e der suluen mȳner vrunde bede willen mȳ vthe / erem(e) torne wedder hebben vorlaten qwijt leddich vnd(e) / lossz dar ik ene vnd(e) mȳnen vrunden hochliken vnde / fruntliken vm(m)e dancke vnd(e) vorlate de here(n) den Rad / to lubeke vnd(e) mȳne vrunde van der wegen(e) van vorder / mani(n)ge vnd(e) tosage qwijt leddich vnd(e) lossz Nu(m)mer mer / dar vpp to zakende noch nȳmant anders van mẏner wegen(e) / mẏt gheistlikem(e) effte werltlikem(e) richte(n) vnd(e) rechte(n) dat / loue ik hans krispin mẏt mẏnen eruen den heren dem(e) / Rade der Stad lubeke vnd(e) mȳnen vrunden stede vnd(e) / vast truweliken to holdende to der gantzen tijd mẏnes / leuendes sunder argelist wente mẏne nascre(ue)n vründe / vm(m)e mẏner bede willen vor my den heren dem(e) Rade to / lubeke hebben gelouet Jk desset so vorscre(ue)n is stede vnd(e) / vast aldus to holdende Vnde ik hans krispin vorwil/lekore mẏ vor dem(e) Rade vnd(e) vor dem(e) boke dat ik / to der tijd mȳnes leuendes de . cl . mark lubesch liffliker / Renthe de mȳ mȳn broder zegebode Crispin Jarlikes / ghifft nicht en schal noch en wil vorpanden vorsetten / vorkopen offte vorbringen Jn gheistliker noch Jn werlt/liker lude hende Jn Jenige wise it en besche mẏt vulbord / tolate vnd(e) willen mẏner nascre(ue)n vrunde de vor mẏ / hebben gelouet Vordermer wij zegebode krispin / godeke kerkringk hans kerkringk Bernd dartzauwe / vnd(e) Bertram luneborch de eldere mẏt vnsen erue(n) loue(n) / mẏt sameder hant den heren dem(e) Rade der stad lub(eke) / dat hans Crispin erben(omed) alle vorscre(ue)n stucke den suluen / heren dem(e) Rade to lub(eke) stede vast vnd(e) vnuorbroken / dergeliken schal holden sunder argelist vnd(e) loue(n) mẏt / samender hand mẏt vnsen eruen de heren den Rad der / stad lub(eke) vnd(e) ere nakomelinge van der wegen(e) gentzlike(n) schadelossz to holdende [Juss(um) ass ?] /