Godeke bezeler vor dem boke hefft bekanth dat he to siner ghenoghe van / den beschedenne(n) mannen Lambert witinghoud vnd(e) ¹ Euert lemegowe sy/nen medecompanen houetluden der schuldemern Jacobs van hacheden / zelighen alse van erer besate weghen mit allem Rechte ghedan vnd / beschen vnde van sodannem ghelde alse bij en stund to enem gantzen en=/de hebbe entfanghen ccclxiiij m(ar)k iij schilling vnd twe pen(nighe) lubesch(en) / gheldes vnd weret dat de vorschr(eu)en(en) syne medecompane edder ere er/uen in to komenden tiden van der weghen beschuldynghe vnd to sprake / kreghen So hefft de erben(omede) godeke vor sijck vnd sine eruen ghelouet / dat he de erbenom(eden) houetlude vnd ere eruen des wil vnde schal / gentzelijken benemen vnd schadelosz holden /