Hinrick moller vn(de) hans eggherdes also vorstendere der kercken to / Slukup vor sick vn(de) ere nakomelinge hebben bekand vor dessem(e) bo=/ke dat se va(n) marquarde smede de to lalandes ellebogen ey(n) vorsten=/der der kercken is ghewesen entfangen hebben ey(n)ne klocken myt / dem(e) knepel werdich xvj m(a)r(c) lub(esch) alse ey(n) pand vor vj m(a)r(c) lubesch / der se scholen bruken to behoff des godeshuses dar suluest vnd(e) / weret dat de Copman(n) to laland(es) ellebogen de vors(creuen) klocken wold(e)n / wedder hebb(e)n so scholen se den erben(omeden) vorstendern de erben(omede) vi m(a)r(c) tor noghe betalen vnd(e) sint gud vor borst vn(de) brake dess(er) dinghe / vors(creuen) [Sc(ri)pt(um) ...?] /

Hin(rik) kerseborch eyn helmsleger , vor dem(e) boke hefft bekand dat / he vn(de) sine erue(n) schuldich sin den beschedenne(n) manne(n) hanse / schulendorpe Hanse boker tideken toden vn(de) clawese rotschen vor/mu(n)dern Elerken vn(de) dorthyen kinder(e)n zeligen Eler schulendorpes / to truwer hans xx m(a)r(c) lub(escher) pen(ninghe) vmbeworen to betalen hyr vor / hebb(e)n ghelouet , vor de betalinghe Hans Houeman(n) vnd(e) wolder / stoltingk borghere to lubecke /