Wij Johan Segheberch Johan Brolingh vnde hinrik Ebelingh Raedman(n)e to Lubeke bekennen vn(de) betughen / openbare in vnde mit dessem breue voralle den de ene zeen edder horen lezen . Dat wij de vijffvnde souentich Rinsche / ghulden Jarliker Rente de wij van deme Ersamen Rade to Bremen vor vijffteinhundert Rinsche ghulden gekofft / hebben Also dat des Rades breff to Bremen den se vns dar vp vorseghelt hebben wol uth wijset Gantz vnde al de / Rente mit deme houetstole ouergheue(n) vnde vorlaten deme Erwerdighen Rade to lubeke vnd vnsen eruen off / nakomelinghen nichtes dar Jnne to beholdende vnde den breff den vns de Raed to Bremen vp de vorscreue(n) Rente / vorseghelt heft den hebbe wij mit ghuden willen wolberad(en)es modes vnbedwanghen deme Rade to lubeke ouer ghe/antwordet Des to merer tuchnisse hebbe wij Johan Seghebergh Johan Brolingh vnde hinrik Ebbelingh mit / willen vnde witschop vnse Jnghezeghele henghet beneden an dessen breff de gh(e)gheuen is Na der bord vnses / heren Jhesu Cristi dusentveerhundert twevndefefftich Jaer vp Su(n)te marghareten dach /