Jk hans Koͤrstede bekenne openbaͤr vor alle de ghenne de desse(n) breff zeen efte hore(n) lesen / dat ik Ghiseken truper hebbe gheantwerdet alle huͤs redesschop dat wy to sam(m)ene / ghehat hebben also Schtute(n) both vnde ander redesscop also eneme stoue(n) to behort / in svn vorgheld dat he in der masschop touorne hadde ¹ dat de vorbenomede Ghiseke vryg / beholden scal sunder jenigerleye weddersprake vnde na rede vnd(e) dit is gheschen / in jeghenwardichett² desser Ersa(m)men ma(n)ne also hans helmstede(n) Gherd tor mole(n) / vnde peter vyͦend de hijr suͤnderlike(n) to ghebeden vnd(e) gheesschet sint Des to bewisi(n)ge / vnde warheit so hebbe jk hans vorscreue(n) my(n) Jnghesegel ghehenget an dessen breff / vnde hans helmstede Gherd tor molen vnde peter vyend ere Jngheseghele v(m)me / myner bede willen to merer sekercheit ok ghehenghet an dessen breff de ghegheue(n) / vnde ghescreue(n) is na der bord (cristi) Dusent Jar verhundert Jaͤr in deme dre /vnde veftigheste(n) Jare An Sunte Symon vnde Judas auende der hilghen / apostele . /