IN godes name(n) ame(n) jk berteld naghel wol dat ik krank bin va(n) liue doch so bin ik wolmechtich myner / synne danke(n) vn(de) redelicheit werde ik vorwu(n)nen va(n) deme dode So sette ik vn(de) make my(n) Testame(n)te va(n) mynem / wol ghe wu(n)nen ghude aldus To deme erste(n) male so gheue ik v iij s(chillingh) to wege vn(de) to stege to betere(n)de Jt(em) so geue / ik to Sunte petere to deme kuwe alle de pe(n)nynghe de my de werkmester schuldich is va(n) de(m) werke dat / he my aff ghekoft heft to der kerke(n) behoff vnde me schal myner sele dar mede vor denke(n) va(n) de(m) predik/stole jt(em) elre naghele vn(de) marquart naghele myne(n) brodere(n) twe(n) geue ik jewelke(m) xx mark vnde ere(n) / ver kindere(n) myner brodere vorben(omed) geue ik jewelke(m) kinde x mark jt(em) hinrik meyers dochter der / geue ik x mark jt(em) anneke(n) kapeke(n) grise(n) dochter der geue ik x mark jt(em) barbare(n) myner / maghet de mit mẏ derret der geue ik xij mark jt(em) myne(n) na gheschreue(nen) vormu(n)dere(n) gheue ik to sa/mende ij mark vm(m)e myner leue wille(n) touor drucke(n)de jt(em) alle my(ne) andere gud dat hir denne / ouer is wan desse vorgheschreue(nen) ghaue entrichtet sind dat sy clen edder grot beweghelik edder vnbe/weghelik vn(de) welkerleye id sy vn(de) wor dat ane sy wil ik dat myne vormu(n)dere dat alto male scholen / vor kope(n) vn(de) de pen(n)inghe schole(n) se gheue(n) in de ere godes mede to delende in de hende der notroftige(n) / armen vnde in de stede dar en dunket dar id alder best bestedet sij to salicheit myner sele Mine / vormu(n)dere kese ik hinrik brasche(n) hinrik meyer vnde hans meysalde Alle vorscreuen stucke / wil ik stede vnde vaste holde(n) wente ik se mit leue(n)diger stempne ope(n)bare wedder rope gheschreue(n) / To lubeke Na godes bort xiiijc jar dar na in de(m) ver vnde vefftigheste(n) jare vppe der elue(n)duse(n)t / meghede dach Tughe sind her andreas gheuerdes vn(de) her Cord molre radma(n)ne To lubeke /