JN no(m)i(n)e d(o)m(ini) Ame(n) Witlik si alle den ghennen de dessen breff seen edder hore(n) lesen dat wi olderlude / des amptes der becker alze bertelt mu(m)mentey Tytke bonsak myt vulbort des gantzen amptes / hebben entfange(n) iijc m(a)rk lub(escher) mu(n)te va(n) hinrik tzenzink vn(de) hans wessel to vullenkamer noge welker / iijc m(a)rk myldichlike(n) gheue(n) were(n) va(n) bernd jorden deme closter sunte kathe(r)inen bynnen lub(eke) dar / na jnt iar vnses heren mcccc am(me) xc des donredaghes na sunte lucien daghe do schach handelinghe / twisken den vedere(n) des closters alze benomelike(n) Nicolaus buckholt doctor in der hilghe(n) scrifft fra(n)cisc(us) / morghens gwardian joh(ann)es burmest(er) ouerste lesemest(er) jacob(us) nighe(n)haghe(n) vicegardian petrus paris / gotfridus burmest(er) oltuͮeder Vnde deme ampte jn sodaner wise dat me scholde vn(de) wolde de sulue(n) iijc m(a)rk / belegghen bi de olderlude dede sin to der tijd vn(de) bi dat gantze ampt va(n) welkere(n) ccc m(a)rk schole wi vn(de) wille(n) / iarlikes to keren dem(e) erbemomede(n) ¹ closter edder eren vorstendere(n) to der tijd xiiij m(a)rk vp den hilghen / wynachte(n) den termyn nicht to vor krenkende edder to vorspadende ane jenigher(e)leye arghelist edder / jnsaghe men to der noghe de sulue(n) xiiij m(a)rk vth tho gheuende der sele salicheyt nicht to hindere(n)de / Des to groter orkunde der warheyt so hebbe wi erghenante(n) olderlude alze bertelt mu(m)mentey tytke / bonsak hinrik tzenzink Cord lutke Hans muttert Hans wessel myt vulbort des gantze(n) amptes / vor dessen breff ghehe(n)ghet vnses amptes jngesegel Dede ghegheue(n) is na godes bort veertey(n)/hundert jar jn dem(e) j vn(de)neghe(n)sten jar vp den dach des hilghe(n) vaders sunte Anthonies