Juw Erszamen wisen her(e)n Borgemester(e)n vnde Radtma(n)ne(n) tor wysmar vnsen besunder(e)n guden frunden Vnnde / den Beschedene(n) ma(n)nen Olderluden vnde geswor(e)n mester(e)n vnd(e) dem(e) gantzen Ampte der Reyper darsulues Dohen wy Bor=/germester(e) vnde Radtmann(e) der Stadt lubeke nach vnses fruntliken gruthes irbedinge witlick apembar(e) bekenne(n)de vnde betuge(n)de / in vnde mit dessem vnsem apene(n) breue Dat vor vns Irschine(n)de de beschedenn(e) Jurgen Schone(n)berch vnde Hansz bolte Older=/lude vnde gesworen mester des Ampt(es) der reyper bynne(n) vnser Stadt vnse borger(e) louenwerdige frame vnd(e) vnberuchtede / ma(n)ne louelick vnde eerlick tuchnisse geuende vnde doͤnde van Hermen Sanders toger(e) desses breues dat he mit en In / erem(e) erben(omeden) Ampte geleret gewest v(m)megegaͤn vnde gedenet hebbe alse eyn houesch tuchtich frame bedderue knecht / eerliker handelinge vnde gudes geruchtes also dat Se vnde Dat gantze er(e) erben(omede) Ampt vnde sunderling(en) Hansz / Dene vnse borger Dar desulue Hermen Sanders hyr In dem(e)sulfften Ampte latest mede gedenet hefft eme gutlike(n) dancke(n) / Se seden ock forder weret eme beqweme gewest Dat he hyr synes sulues wolde geworden hebben In dem(e) vorschr(euen) ere(n) Ampte / se wolden ene dar gerne to erem mede ku(m)pane vnde broder In entfangen hebben Woru(m)me Is vnse andechtige fruntlike / bede vnde beger Juwe Ersamheid(e) dem(e) gn(an)t(en) Hermen Sanders Desser vnser fruntliken bede ock syner vramheit vnd(e) / guden gerucht(en) by Iuw willen laten geneten eme In synen rechtuerdigen saken gunstich forderlich vnde bystendich to / synde So dat he In dem(e) erger(orden) Ampte der Reyper bynne(n) Juwer Stadt synes sulues werden syn Ampt dar ouen vnd / aller vryheit vnd(e) guden wonheit gelyck ander(e)n dessulfften Ampt(es) medebroder(e)n bruke(n) moge Dat synt wy vm(m)e Iuw / vnde de Juwen In geliken vnde vele groter(e)n vngespard(en) flites touorschuldende willich Tho orkunde der warheit / vnnd(e) merer sekerheit hebbe wy dessen breff mit vnser Stadt anhangene(n) Secret(um) witliken Doen vorsegelen de / gegeuen vnd(e) geschr(euen) is In den Iar(e)n vnses her(e)n Dusentveerhundert Soue(n)vndeNegentich am(me) Son(n)aue(n)de negest / na Mathie Ap(osto)lj /