Jn gades namen amen . Ick Hermen Nigenborch wandaghes eyn schomaker vnd(e) borgher(e) to lubeke kranck an / lyue doch wolmechtich myner synne dancken vnd(e) redelicheit Wenner ick van deme dode vorwunnen werde / Sette vnd(e) make ik my(n) Testament vnd(e) latesten willen van mynen ghuder(e)n de my godt vorlenet hefft / to salicheit myner armen selen to entrichtende aldus Wente ick nam myne ersten husvrouwen Gretken vmme des / amptes willen do se hadde neen gheldt noch gudt so langhe dat vnse leue her(e) godt vns halp dat wy mit vnsem(e) arbeide gudt / vorworuen Sus boheldt ik twe kindere alze Jurien vnde Gretken na erem(e) dode de dochter gaff ick dar na vth van mynem(e) wolghe=/wünnen ghude de kostede my ijc m(a)r(k) lub(esch) dar na hebbe ick ock mynen sone Jurien affghesundert vor dessen naschreue(n) dedinghes luden alze Mathias Grauenstede Albert Roleues Hinrick Schickepren Hans Grauenstede Hermen klene vnd(e) / Hinrick papenbrock So dat ick eme gaff to enem(e) vullekamen ende xxiiij m(a)r(k) lub(esch) de nam ick vp mynen eghendom des / huses vnd(e) mot dat alle Jar vorrenten dar hefft he to entfanghen enen deker gars ledders vth mynem(e) kuüen so gudt alze / x m(a)r(k) lub(esch) Sus furder to entrichtende myne(n) latesten willen gheue ick viij s(chillingh) to beterende weghe vnde steghe Ock gheue / ick viij s(chillingh) to Sunte Jurien vor lub(eke) den armen seken Jtem den armen seken vor lutken Gronouw iiij s(chillingh) dat se alle godt den / her(e)n vor my bidden Jtem mynem(e) sone Jurien gheue ick mynen besten rock vnde hebbe eyn boslaghen gordel mit suluer / dat steit vthe vor v m(a)r(k) dat mach he losen vnde de vorbeteringhe de dar Jnn(e) is de mach he hebben dar to gheue ick / eme enen boslaghen dagghen mit suluer so gudt alze de is denmach he hebben dar to gheue ick eme enen rinschen / gulden Wenner myn eghendom des huses vorkofft is dar mede schal he affgheschichtet vnd(e) ghescheden wesen van alle myne(n) / naghelaten ghuder(e)n Ock gheue ick syner suster Gretken enen rinschen gulden dar schal se ock mede affgheschichtet vnde / ghescheden wesen van mynen naghelaten ghuder(e)n Jtem ick bokenne dat ick mit desser myner husvrouwen Hilken entfanghen / hebbe ij hundert vnd(e) xij m(a)r(k) lub(esch) an redeme ghelde de er Hans portenhaghenn mede gaff vor enen brutschath des gheue ick / er vnde mynen kinder(e)n Anneken vnde Dorthien dat reschap vnd(e) dat ander gudt dat ick noch hebbe Jn dem(e) eghendom / des huses dat sij bowechlick edder vmbowechlick dat scholen se delen Jn dre parte , sunder den grotesten ketel gheue ick myne(n) / dren dochter(e)n den scholen se bruken mit der moder de tijdt eres leuendes Welker dar lenghest aff leuet schal den beholden . / Alle vorschreuen stucke vnde artikel wil ick stede vnde vaste holden so langhe ick se witliken wedderrope . Myne vor=/munder(e) myner husvrouwen vnde myner kinder(e) kese ick de boschedene manne Mathias Grauenstede . Hans Grauenstede / Hermen klene Jurien Nigenborch vnde Hinrick papenbrock vnde gheue en samptliken xij s(chillingh) sijck gudeshaghen dar van / to makende Vnde wil wenner erer welk vorsteruet dat denn(e) de ander(e)n leuendighen enen vrame(n) man Jndes doden / stede wedder kesen so vakene des van noden is vppe dat desset myn Testament yo vorfullet werde vnd(e) dar bij doen / so ick en betruwe dar van nemende dat loen van gade Jn tuchnisse der warheyt is desser schriffte dre ens ludes Ghe=/gheue(n) vnd(e) gheschreuen des ersten donredaghes Jnder vasten Jnth Jar(e) vnses her(e)n Dusentverhundert vndeachte=/vndeneghentich Tughe synt de Ersamen her(e)n Hermen Meszman vnd(e) Hermen Dorsouw Raedtmann(e) to lubeke .
Jn gades namen amen . Jck Hermen Nigenborch wandaghes eyn schomaker vnd(e) borgher(e) to lubeke kranck an lyue doch wolmechtich / myner synne dancken vnd(e) redelicheit , Wanner ick van dem(e) dode vorwünne(n) werde Sette vnd(e) make ick my(n) Testament / vnd(e) latesten willen van mynen ghuder(e)n de my godt vorlenet hefft to salicheit myner armen selen to entrichtende / aldus Wente ick nam myne ersten husvrouwen Gretken v(m)me des amptes willen do se hadde neen gheldt noch gudt / so langhe dat vnse leue her(re) godt vns halp dat wy mit vnsem(e) arbeide gudt vorworuen Sus boheldt ik twe kinder(e) alze / Jurien vnd(e) Gretken na erem(e) dode de dochter gaff ick dar na vth van mynem(e) wolghewünnen ghude de kostede my / ijC m(a)r(k) lub(esch) Dar na hebbe ick ock myne(n) sone Jurien affghesundert vor dessen naschreue(n) dedinghes luden Alze Mathias / Grauenstede Albert Roleues Hinrick Schickepren Hans Grauenstede Hermen klene vnde Hinrick papenbrock So / dat ick eme gaff to enem(e) vullekamen ende xxiiij m(a)r(k) lub(esch) de nam ick vp mynen eghendom des huses vnd(e) mot dat / alle Jar vorrenten Dar hefft he to entfanghen enen deker gars ledders vth mynem(e) kuͦnen so gudt alze x m(a)r(k) lub(esch) / Sus furder to entrichtende mynen latesten willen gheue ick viij s(chillinghe) to beterende weghe vnde steghe Ock gheue ick / xiij s(chillinghe) to Sunte Jurien vor lub(eke) den arme(n) seken Jtem den armen seken vor lutken Gronouw iiij s(chillinghe) dat se alle / godt den her(re)n vor my bidden Jtem mynem(e) sone Jurien gheue ick mynen besten rock vnde hebbe eyn boslaghen gordel / mit suluer dat steyt vthe vor v m(a)r(k) dat mach he losen vnde de vorbeteringhe de dar Jnn(e) is de mach he hebben dar / to gheue ick eme enen boslaghen dagghen mit suluer so gudt alze de is den mach he hebben Dar to gheue ick eme / enen rinschen gulden Wenner myn eghendom des huses vorkofft is dar mede schal he affgheschichtet vnd(e) ghescheden / wesen van alle mynen naghelaten ghuder(e)n Ock gheue ick syner suster Gretken ene(n) rinschen gulden dar schal se / ock mede affgheschichtet vnde ghescheden wesen van mynen naghelaten ghuder(e)n Jtem ick bokenne dat ick mit desser / myner husfrouwen Hilken entfanghen hebbe ij hundert vnd(e) xij m(a)r(k) lub(esch) an redeme ghelde de er hans porten=/haghenn mede gaff vor enen bruthschath des gheue ick er vnde mynen kinder(e)n Anneken vnde Dorthien dat / reschop vnde dat ander gudt dat ick noch hebbe Jn dem(e) eghendom des huses dat sij bowechlick edder vmbowechlick / dat scholen se delen Jn dre parte , sunder den grotesten ketel gheue ick mynen dren dochter(e)n den scholen se / bruken mit der moder de tijdt eres leuendes welker dar lenghest aff leuet schal den beholden Alle vorschreue(n) / stucke vnde artikel wil ick stede vnde vaste holden so langhe ick se witliken wedderrope Myne vormunder(e) myner / husvrouwen vnde myner kinder(e) kese ick de beschedene manne Mathias Grauenstede Hans Grauenstede Hermen / klene Jurien Nigenborch vnd(e) Hinrick papenbrock vnde gheue en samptliken xij s(chillinghe) sijck ghudeshaghen dar / van to makende vnde wil wenner erer welk vorsteruet dat denn(e) de ander(e)n leuendighen enen vrame(n) man / Jn des doden stede wedder kesen so vakene des van noden is vppe dat desset myn Testament yo vorvullet / werde vnde dar bij doen so ick en betruwe dar van nemende dat loen van gade Jn tuchnisse der warheyt is / desser schriffte dre ens ludes Ghegheue(n) vnd(e) gheschreuen des ersten donredaghes Jnder vasten Jnth Jar(e) vnses / her(re)n Dusentverhundert vndeachtevndeneghentich Thughe synt de Ersamen Her(re)n Hermen Meszman / vnde Hermen Darsouw Raedtmanne to lubeke .