Witlich si dat al den ghennen de dussen bref vorstan vn(de) vornemen dat jch her/man thybeke rydder bekenne vn(de) bethuͦge oppenbare in dussem breue dat jch mit / vuͦlbort dere de to rechte vulborden scolen hebbe oplaten twe Erue eyn grot vn(de) / eȳn luͦthich gheleghen bi dem hauerbeke inder stat to helmestede dede weren jchtes/wanne olden daneles vn(de) de jch hebbe hat von mȳme achtbaren heren hertich / otten von brunswich der erue hebbe vor teghen vn(de) oppelaten dem rade d(er) / seluen stat to helmestede vor rȳchte vn(de) vor scepen Vn(de) vor thygher vn(de) late se / op in dussem ghywerdeghen breue dem vorbenoͮmetdem rade to hoͤlmestede To / eyner horkuͦntde vn(de) bethuͦghinghe vn(de) bekentnizse dusser dinch Js ghehenghet min / yngheseghel an dussen bref ghe screuen na godesbort dussent jar vn(de) drehu(n)/dert jar indem drevndeuerteghestem jare in synte Luͦcsyen auende der heyly/ghen vn(de) gheloueden juncvrowen