Witlich si alden ghenen de dussen bref hoͦren oder sen dat jch Ludolf von Werberchghe Bekenne openbare vn(de) bethughe in dussem / breue Dat jch noch herman min broder noch nemen vser hernen scolen ansprake hebben op de kluͦs deme buwet vser moͦ/nen vor mechelde op sinte wolburghes kerchoue to helmestede mit der vromen ratman willen vn(de) orloue vn(de) na vser / vorbenomeden moͦnen dode moghen de ratman mit der kluͦs don was se willen Dat dusse dingh stede scolen bliuen / al so se bescreue(n) sin dar louet vore jch Ludolf vn(de) Herman vor ghenande broder vn(de) bertram vn(de) hinrich vn(de) lo/dewich broder von veltuͦm Vn(de) hebben des to Ener hoͦrkuͦnde vse jngheseghele ghehenghet in dussen bref Ghe/screue na godesbort dretteynhuntdert jar indem vervn(de)verteghestem jare des negesten sundaghes vor / pinghesten