Ek her herman Thuͮpeke Rẏddere bekenne openbare in dhesseme breue dat / ek hebbe ghelaten deme Rade to helmestede dat richte vnd voghedyge / to alghestorp an velde vnd an dorpe myd aller nvd also alse ek id van / mȳme heren van brunswik hebbe ghehat dat he id mach losen vor / teyn mark dar id mẏ mẏn here vor ghesat hadde To ener betuͮgi(n)/ge desser ding hebbe ek myn jngheseghel ghehenget to desseme / breue Dyt is gheschen na goddes bort drittenhundert iar in de/me en vnd sesteghesten iare in des hylgen lychames daghe