We Henni(n)g Cramer Her Henningh vnde Tyleke sine sone bekennen openbare in dessem breue dat / we schuldich sint rechter schulde Seuen mark vnde eẏnen verdingh stendelessches gheldes dem altare / des hilghen lichames in der kerken tho sente Stheffane tho helmstidde , dar de altar mede bewedemet is / de vnse vader vorbenomet vp ghenomen heft , vnde heft se in vnser aller nuͦt ghe kart , Dar we / van gheuen schullen vnde willen alle jarlekes achteẏn schillinghe vppe sinte michaelis dach dem alta=/risten de den altar officieret vppe dat dat dat gholdes denst efte wullenkomer ghe ouet werde , Were dat / nuͦ me de pen(n)inghe mit andren pen(n)inghen de ok tho dem alta(r)e horen konde bringhen an ghulde edder al/leyne , wan men vns dat kun[de]ghede¹ vppe sente Johannes dach so scholde(n) we vnde wolden de pen(n)inghe betalen / vppe sente michaelis dach vnde den tyns de dar vor boret , Weret ok dat we de pen(n)inghe wolden wedder / gheuen So scholde we dat witlich don deme des de alter were op sente Johannes dach vnde schullen / de pen(n)inghe betalen vppe sente michaelis dach , vnde den tẏns de dar vor borde , Desser dingh sint tughe / Her bernt Berner Perner tho helmstidde , Her luder wandaghes perner tho steẏnebeke her hermen van northen / vnde her Ludelef ouesuelt prestere , Cord van ruͦnstidde Ghodeke van selschen de jungher vnde Jacob / votstede vnde andere vromer lude ghenoch , To bekantnisse desser dingh hebbe we alle dre vnse / Jnghezeghele ghehenghet tho dessem breue de ghe gheuen is Na goddes bort dretteẏn hundert / jar in deme twey vnde achtighesten iare in deme daghe Sente matheus des hilghen apostolen vnde / [ewangelisten]