Jk albricht haue saekwoldige bekenne openba(r)e in disseme breue vor alle(n) de one seen / edd(er) horn leysen dat ik my vorbroken hadde tighe(n) den rat to helmstat vn(de) dat gherichte / dar in der stat . dar an hed mẏ de rat to helmstat begnad(et) vme god vnd(e) ore woldat vn(de) / dorch beide wille(n) myner hern . myner brod(er)e vnd(e) myner vru(n)t vnd(e) hebe one gesworn / vn(de) louet muͦntlike(n) . vn(de) in disseme myneme breue deme rade vn(de) der stat to helmstat . den gemene(n) / borg(er)n vn(de) oren vndersate(n) ene rechte orueyde ene gude zone vnd(e) ene(n) ewighen vreyde to holdenne / mid worde(n) vn(de) mid wercke(n) . also dat ik ore ergheste nicht w(er)ue(n) enwille alle mine leyuedaghe vnde / nemet von myner weyghen(n)e vnde wille one gherne dene(n) to allen stunde(n) To grote(re)r wissenheit / hebe ik albricht haue dem rade to helmstat . der stat . den gemene(n) borg(er)n vn(de) oren vndersate(n) to borge(n) / gesat des myne brode(re) . myne vruͦnt . alse de hir na screyue(n) stat .. Hen(n)i(n)ghe haue(n) . tile(n) haue(n) . Ju(n)ghe(n) hen(n)i(n)ghe / haue(n) vnd(e) . bartolde botterclote Vnd(e) we vorbenomede(n) borghe(n) hebb(e)n gelouet vnd(e) gesuorn dem rade tho / helmstat vppe de hilghe(n) . dat albricht haue vnse brod(er)e vn(de) vruͦnt schal . one holde(n) ene(n) ewighe(n) vreyde / vn(de) we mid ome vn(de) mid al vnse(n) vruͦnde(n) . den von Helmstat alse hire vore screyue(n) steit Dyt loue ik / albricht haue saekwoldige Vnd(e) wi hen(n)i(n)g haue tile haue Junghe hen(n)i(n)g haue vn(de) bartold botterclod / stede vn(de) vast to holden(n)e in truwen . alse we dat vore alle ghesuorn . hebb(e)n . ane jnual . ane hulpereyde / ane genigherleẏe nẏgevuͦnde . vn(de) an allerleẏe arghelist Vnd(e) hebb(e)n des saekwoldighe vn(de) borghen . vorscr(euen) / witlike(n) vnd(e) mid gude(n) wille(n) vnse Jng(esegel) gehengh(et) late(n) an dissen breff na god(es) bort . dretten hundert jar / dar na in vern vn(de) deme achteghisten jare . des andern daghes na sinte nycolaus daghe