Jk bertram von esbeke de Eldere Bekenne openbare vor alle den de dussen breyf zyn edder horen / lesen dat ek mek hadde vnderwunden eyner haluen houe de be lighen ys oppe dem velde to lutteken / Neynstydde by Sommerstorp Jn der wyse dat ek wunde dat ek dar recht to hedde Nu ben ek des an ghe=/wyst myt breuen vn(de) von older kunschop dat her hillebrant von Ouesuelde Rytter dem god gnedych sy / vn(de) hillebrant syn sone de suͮluen haluen hoͮue hebben vorkoft vn(de) ghenslyken vorlaten to vnser ley=/ven vruwen altare de beleghen ys in der parre to helmstede vn(de) gheue dat ouer dat ek dar neyn / recht to en hebbe vn(de) late de haluen houe ledych vn(de) los wedder an vnser vruwen altar also dat ek / vn(de) myne eruen schullen vn(de) wyllen dar nuͮmmermer op spreken vn(de) we eyn vormuͮnder ys des al=/tars schal der haluen houe rowelken bruken myt allem rechte dar en wyl ek vn(de) myne Erue(n) ene / dar nycht an hynderen Tuͮghe dusser dyng synt Her Bernt Perner to helmst(ede) Ghodeke von selche(n) / luder von enessem Borghere to helmst(ede) vn(de) vromer lude en noch To eyner bekantnisse dusser dyng / hebbe ek myn Jngheseghel vor mek vn(de) vor myne eruen wytleken vn(de) myt ghudem wyllen ghe/henget laten an dussen breyf De ghe gheuen ys Na der bord goddes Dusent Jar drehundert / Jar Jn deme veyr vn(de) achtenteghesten Jare Des mydwekens Na sunte lucien daghe der hylghe(n) ju(n)cv(ro)we(n)