Ek her anne von hartesrode ridd(er)e . bekenne openba(r)e in disse(n) breue dat ik hebe mid / vru(n)tschop vnd(e) vulbord hern hanses . vn(de) hern hinrikes myner brod(er)e hebe gedeẏdingh(et) / vnde aneghan . mid deme . rade vnde borg(er)n von helmstat ene vru(n)tlike berichtinghe vo(n) / hern ludelues weyghe(n) mines brod(er)es dem god gneẏd[i]ch si vme de schichte vnde schade(n) / von der vengnisse weyghen . do he to helmstat geuanghen wart . Vn(de) we her anne / her hans vnde her hinrik vorgena(n)t . wille(n) dar vme den rad vn(de) de borg(er)e to helm-/stat nicht meir andeydinghen mid worde(n) edder mid wercken . vn(de) hebb(e)n des to / orkuͦnde vnse Jngezeghel gehengh(et) late(n) an dissen breff na god(es) bord drette(n) hun-/dert Jar dar na in vern vn(de) deme achtegheste(n) Jare des vridaghes vor sinte / Lucien daghe