Ek her berent perner to helmstede be kenne openbare in dessem ieghenwoͤrdighen / apenen breue vor alle den de en seen idder hoͤren lesen dat ik hadde en puͦnt wasses / an twen stuͤcken de twe stuͤcke hebben beẏde jeghen enen morghen in dem kampe de / dar lit bi des abbetes dike in dat osten vor dem nordore vnde vor dat puͦnt wasses heft / mi bartolt von werberghe boͤrghere to helmstede wedder stadinge ghedan alzo dat ik / hebben schal en puͦnt wasses an dem garden de dar hed dat hauekestorp vor dem nor/dore dar ik ok (?) rede ses schillinge tinzes an hebbe vnde ik her berent perner vnde mine / nakoͤmelinge laten dem rade vnde der stad to helmstede de seluen vorbenoͤmeden twe / stuͤcke vry ledich vnde los vnde willen en disses en recht were wesen vnde setten / se in de were mit dessem seluen breue vnde willen en dit stede vnde vast holden / ane ienigherleẏe arghelist to groͤterer wisneheẏt vnde to be kentnisse disser / ding so hebbe ik her berend perner dicke vorghenoͤmet min ingheseghel wit/liken vnde mit gudem willen ghe henget an dessen bref de ghegheuen / is nach der bord goddes duͦsent iar vnde dre huͦndert iar in dem vif vnde achtentighesten iare in sinte johannes daghe baptisten to middensommer