Ek borchard van hameln bekenne openbar vor mek vnde / mÿne eruen Jn dussen breue vor alle den de oͤn seͤn hore(n) edd(er) / lesen . dat ek hebbe erloͤft vn(de) erloue dem rade to helmestede / dat se hebbe(n) ghe maket laten eyne(n) grauen dorch my(n) holt vor / dem anderen grauen den se ok dar suͮlues ghemaket hadden / mẏd witscop vn(de) vulbort my(nes) vn(de) mẏner broͤdere vn(de) wil oͤm / des beken(n)ich wesen wur vn(de) wan(n)e oͤme des nod is vn(de) des / to tuͮghe vn(de) bekantnisse hebbe ek borchard van hameln vor/ghenoͤmet mẏn jngheseghel vor mek vn(de) mẏne eruen wit/leken vn(de) mẏd gudem willen henghen laten an dussen breͤff / Na goddes bord vertey(n) hundert jar dar na jn dem ersten / jare des midwekens negest vor palmen