We Borg(er)mester(e) vnd(e) Radmann(e) der Stad to Helmestede beke/nen openbar(e) in dussem breue vor alsweme dat de Erszame Rad / to luneborch vns alse vorste(n)deren des godeshuses Sendte jurgen / vor vns(er) Stad wol to da(n)cke heft entrichtet laten drittich gulde(n) / de dem sulue(n) godeshuse by one vppe lichtmissen newest vorgan/gen to Rente bedaget weren vnd(e) vorlaten den g(na)nt(en) Ersza/men Rad to lu(n)eborch sodan(e) vorbeno(m)pt(er) iarliker Rente von / dussem jare quid ledich vnd(e) los in craft dusses breues myd vns(er) / Stad Secrete hijr ane gehangen vorsegelt Gegeue(n) na godes / gebort veerteynhu(n)dert jar dar na jn deme vere vnd(e) veftiges/ten jare des Sonnaue(n)des vor Remi(ni)scere