We de Rad der Stad Helmestede Bekenn(en) openbar jn dussem brefe vor alle den jennen de ohne sehn edder / hore(n) lesen dat we hebben vor vns jn der besten wise so we jm rechte(n) scholde(n) vnd(e) mochten vulmechtich gema=/ket vnd(e) maken vulmechtich jn vnd(e) mit craft dusses brefes den vorsichtige(n) Sander vinken vnsen vnder/saten vnd(e) dener jn vnsen p(ro)curem (?) vnd(e) Sindicu(m) vns to vora(n)tworde(n) vnd(e) bescherme(n)de vnse recht in sake(n) vnd(e) / schulden de Johan(n)es Tuleke vica(r)i(us) jn deme dome to Haluerstad menet tigen vns to hebbenn vnd(e) vns dar / dorch vor vnsem aller dorchluchtigesten hochgebor(e)n fforsten vnd(e) her(e)n ffrederike Romisschen keiser to allen / tiden merer des Rikes hertogen to osterrich to Steer to karnt(e)n vnd(e) [...] Graue(n) to tyrol (et cetera) vnsem aller gnedi/gesten leue(n) her(e)n geciteret vnd(e) geladen heft vnd(e) geue(n) dem(e) upgn(an)t(en) Sander(e) vul vnd(e) gantze malt vnd(e) macht vns tovor/antworden schulde vnd(e) to sprake to hore(n)de dar wedder to a(n)twordende vnd(e) wedder to spreken vnde eyne(n) ander(e)n / edder mehr p(er)sonen jn sine stede to settende vnd(e) vort mechtich to makende den edder de to wedderropende wanne / vnd(e) wu vaken ohme des duchte nod vnd(e) behoff wesen vnde ghemenliken in dussen saken to donde vnde / to procure(n)de allent des dar jenigerleie wis nod vnde behoff jnne were vnde we suluen don mochte(n) efte / eyne(n) islik bisunder(e)n wa(n) we jege(n)wordich weten to vnsem wyn(n)e vnde vorluste vnd(e) we loue(n) dat alle vnd(e) / eyne(n) itliken puncte de he edder de jenne de he vort vulmechtich makende were orer eyn(en) va(n) vnser / wegen don werden stede vnd(e) vast vnvorbroken toholden by alle vnsen godere(n) jegenwardich vnd(e) jn to/komen tijden erwerue(n)de vnde dat stede vnde vast vnvorbroken to ewigen tiden toholden dusses tho / orkunde vnd(e) openbarer bewisinge hebben we vnser Stad jngesegele ghehenget laten an dussen breff / Ghegeuen na der geborth Cristi vnses heren veerteynhundert jar jn deme sestigesten jar(e) am(me) Auende / Jacobi Apostoli