Wÿ Borgermester(e)n vnd(e) Rathmann(e) der Stadt helmstede Bekennen(n) openbar vor Jdermenlijck / dat de Erszamen(n) hen(n)igh heÿsen(n) vnd(e) Tile krÿgher vnses Radsz p(er)sonen(n) Olderlude der parkercke(n) / Sanctj Stepphani Bÿnnen(n) vnser Stadt mijt vnsem(e) vulborde wetten(n) vnd(e) willen(n) mijt Mester / hen(n)ighe sÿüerdes dem(e) Blijdecker(e) wonhaftich to hanoüer sik gudliken(n) voreẏnth vnd(e) vor/draghen(n) Jn düsser wijsze dat de gn(an)t(e) hen(n)igh dat Blijdack ou(er) der sülften parkercken / wil aff nemen(n) vnd(e) to deghen(n) so sik dat behorth latten(n) de taffelen(n) vm(m)e gheten vnd(e) gansz / nige decken vnd(e) wil dat gud maken so sik dat behorth vnd(e) gansz vnd(e) al bereÿden(n) , dar(e) vor(e) / de gn(an)t(en) Olderlude ohme to gesecht vnd(e) geloüet to geuen(n) Achtevndetwintich gulde(n) efte so vele / gheldes dar to twe frome Borger ohme twe ferndel helmstedesch ber(e) geloüet to geüen(n) to siner / eijghen(en) kost vnd(e) dranck to hulpe , werde hijr namalsz ma(n) to gegeue(n) [...] desz were schulden / de olderlüde vpneme(n) to dem(e) vorscreue(n) loͤue to hülpe , fforder heft sik de gn(an)t(e) Meijster(e) vorplicht / de asschen(n) vnd(e) spildinge wil he reÿnigen(n) vnd(e) de Sunte stepphen(n) luttern(n) vnd(e) ghete(n) vnd(e) / ohne de to nütte maken , dat düsse vordracht so gescheÿn isz vnd(e) gansz vnvorbroken geholde(n) / werden sin to openbarer bewijsinge dusser b(re)ue twe eyn vth dem(e) ander(e)n gesnedden eyner / schrift vnd(e) alleÿnsz luden(n) der de gn(an)t(en) olderlude eÿne(n) hebben(n) vnd(e) gn(an)t(er) mester(e) hennigh / den(e) ander(e)n Nach goddesz borth verteÿnhundert Jndem(e) twe vnde negentigesten jare am(me) son(n)a/ue(n)de na Sunte lucien daghe der(e) hilghen(n) junckfrüwen(n)