Ek hen(n)i(n)gh huxer borgher tho helmestede vnnd(e) geseke myn(e) eelike hüsfruwe / bekennen(n) oppenbar vor vnnsz vnnd(e) vnnszer beyd(er) erüen(n) jn vnd(e) myt macht duss(es) / breües vor alszweme de ohn(e) szeen horen(n) edd(er) leszen dat wy ey(n)drechtliken(n) vnd(e) myth / wolberadem(e) mode hebben(n) vorkofft vnnd(e) vorkopen(n) jegenwordigen(n) jn krafft / duss(es) breües rectes vnnd(e) redelikes kopes vpp eyne(n) wederkopp der peter ihetesche(n) / vnnd(e) ohre(n) erüen(n) offt(e) hebber duss(es) breües myt ohre(n) edder der erue(n) gud(en) wyllenn / viij schock jarlikes tynszes vor sestich gude rinsche guld(en) de sze vnnsz vul vnd(e) / all tor noghe woll betallt hefft vnnd(e) ick forder jn myne nüth noͤd vnd(e) behoff / ghekarth hebbe vnnd(e) dussze vorg(enanten) achte scock jarliker tynnsze schal vnnd(e) wil ick / der iheteschen(e) ohre(n) eruen(n) edd(er) hebber duss(es) breues myt ohre(n) guden(n) wylle(n) alle / jar vpp de paschen(n) negest kome(nde) nha gyfft duss(es) b(re)ues vnnd(e) den(ne) alle jar de wyle / dussze vorg(escreuene) kopp nicht wedder ghekoppt werth gudliken(n) geue(n) vnnd(e) betalenn(e) / Ock hebbe ick erghedacht(e) hen(n)i(n)g huxer my(ne) husfruwe geszeke vnnd(e) vnnszer / beyd(er) eruenn(e) de macht beholden dat wy alle jar moghenn wedder kopenn(e) / de vorg(escreuenen) achte scock jarlikes tynszes alle jar wo vnsz dat euen ku(m)pt Edder / mach de helfte szodans tynszes als vorberorth ys alle jar aff kopenn / effte den driddenn deyll des vorberordenn tynnszes vnnd(e) wan(n) wy den / wedder kopp don wyllenn schullen(n) vnnd(e) wylle(n) wy der gn(an)ten jheteschen(e) / borgerschen(n) tho brunswick ohren(n) eruen(n) offt(e) dem(e) hebber duss(es) breues myt / ohrem guden(n) wyllen(n) szodane sestich gulden(n) offte de helffte edder denn / dridden(n) deyll nha vnnszer erben(omeden) wyllen(n) als geue wy de helffte des / geldes drittich gulden(n) szo geyth de helffte des tynszes aff vpp de paschen(n) / myt bedagede(n) tynsze(n) vnd(e) efft des tyns(es) wat vorszeten were offt(e) nha ghe/bleue(n) gudlike(n) geue(n) vnnd(e) entrichte(n) szu(n)der jnszage offt(e) geuerde Tho forder / bekantnissze hebben(n) hyr ahne vnnd(e) ouer wesze(n) hen(n)i(n)g krigher(e) borg(er) tho helme/[stede ...]¹