Jw Ersamenn Borgermeszternn vnde Rathmann der Stadt helmestede Entbede ek / heyne voghet myt willigem denste vnde bidde juwe leue gutliken wette(n) dat mek de / alderlude der parkerken Sunte steffen bynne(n) der Stadt helmestede hebben gudlike(n) / entrichtet twelff Rinsche gulden(n) dede mek uppe dusse negesten vorgange(n) alle goddesz / hilge(n) aue(n)de by de(n) gn(an)t(en) alderluden der vorgescr(euenen) parrkerken to lyffrenthe bedaget / weren vnde ek scryue vnde segge den gn(an)t(en) alderluden der vorgescr(euenen) parrkerken So / dane jarlike [lif]renthe¹ von dussem jare vnde allen andere(n) vorgange(n) jaren quidt fry / leddich vnde losz jn crafft dusses breues vnde quita(n)cien² Tho merer wyssenheyth / hebbe ick myn Jngess(eghele) drucken nedden an dussen breyff nach der geborth Cristi / vnses here(n) dusenth vehrhundert [jar] dar nha jndeme Sessze vnde neggentigesten / jare am(me) donreszdage na brixii