Wy Borgermester vnde Rathman(n)e der Stadt helmestede Bekenne(n) openbar(e) in dussem vnsen open breüe / vor vnsz vnde vnse nakomelingen vnde vor alszweme dat wy rechter witliker bekanthliker schult schuldich / sin Szestich Rinsche gulden Sunte Steffen Nu tor tijd Tile kriger vnde tile nigebecker alderlude to¹ Sunte / Steffen dede vnsz de vor gheschreue(nen) alderlude to Sunte steffen upp(e) eyn mall an eyne(r) Sum(m)e(n) ouer getalt vnde / ghe antwordet hebben de wy vorth in vnser Stadt helmestede beste kenthlike nüth vnde frome(n) ghekarth / hebben vppe welke Sesztich Rinsche gulden wy vor gheschreue(nen) Borgermester(e) vnde Rathman(n)e to helmest(ede) / schullen vnde willen ohne alle Jar(e) to tinsze geue(n) den vorsichtige(n) alderluden to Su(n)te steffen dre Rinsche guld(en) / vppe paschen Sunder Jennigerleyge hindernisse effte infal de wyle wy sodan(e) gold vnder vnsz hebben Ok / szo hebbe wy ehrgescr(euenen) Borgermeszter(e) vnde Rathman(n)e(n) der Stadt helmestede vor vnsz vnde vnse nakomelinge(n) / de gnade fryheijt vnde macht beholden in dussem sulue(n) breüe Szo dat wy eder vnsze nakomelinge(n) dusse / dre gulden tinszes alle Jar(e) wan vns gelustet eder bequeme isz mit Sesztich Rinsche gulde(n) moge(n) wedder affkope(n) / vnde fryge(n) vnde wan(n)e wy dat dohn willen welkes Jares dat schulle wy den vorsichtige(n) alderluden to voren / vorkundigen vppe de wynachten vnde denne vppe de paschen dar nha negest volgende sodan(e) Sesztich Rinsche / gulden myt den dren gulde(n) tinszes in eyne(r) Sum(m)e(n) vul vnde all gutliken entrichte(n) ouer (?) tellen vnde betalen / Sunder Jennigerleige ghefferde wen denne dusse betalinge der Sesztich rinsche guld(en) myt den dren gulde(n) / tinszes also ghe scheyn is alsze danne schal² dusse breijff machtlosz sin vnde denne de vorsichtige(n) alderlude der par=/kercken Sunte Steffens vns dene den(n)e wedder ouer antworden Sunder ghefferde alle dusse vorgescr(euenen) / Stucke puncte vnde artikell dusses breues loue(n) vnde reden wy Borgermeszter vnde Rathman(n)e(n) der Stadt / helmestedde vor vnsz vnde vnse nakomelinge den vorsichtige(n) alderluden sunder alle wedder sprake stede / vnde vaste vnuorbroken in guden trüwen woll to holdende vnde hebben des to merer vestinge vnde wissen/heyden vnde bekanthnisse vnser Stadt Jngeseggell vor vns vnse nakomelinge(n) witliken vnde mit gude(n) willen / benedden an dussen breijff heten hengen Ghe geue(n) vnde ghescr(euen) na der geborth Cristi vnses here(n) dusent / vehrhunderth dar nha jn deme Seüen vnde neggentigesten Jare am(me) midweken jn den hillige(n) paschen