We de rad der Stad tho helmstidde Bekenne(n) vor vnse alderlude tilen krigher vnde / tilen nyebecker de nu syn Ock vor alle de in tokomen tyden werden dat se hebben vorkofft / ludeken wickman(n)e hinrecke Crauwel testame(n)tarien hermen katieghers vnde ghesen syner / elyken husfruwen zelig(e)n eyn(n)e ewige memorien jn der kerken tho Su(n)te stephen tho helmstidde / vor xxij rynsche gulden jn dusser wys dat de alderlude des vorghescreuen goddeshuses / de memorien alle Jar don schullen vnde willen dem parner myt synen cappellanen / vnde den anderen vicarien vnde preysteren de dar syn vnde in de kerken horen dusse / vorgescreuen memorie(n) schalme holden des Sondages quasimo(do)genitj des auendes de villie / vnde des mandage(n) morghens de com(m)endacien na der zelemissen Ghegeuen na der bordt / (cristi) vnses heren dusent veer hu(n)dert dar na jn dem seuen vnde negentigesten jare des sonda/ghes na der hilghen dryer kon(n)yngk dage