Wy arnold c(ro)pelin borghemest(er) . vnd(e) frederik suderland . eyn / radman tuͦ rozstoch . betughen vn(de) bekennen an dessser ieghen=/wardeghen schrift . dat wy twidracht vn(de) schelinghe . der / erbaren lude her mathias . eynes gheistiken begheuenen man=/nes . an deme clost(er)e tuͦ mu(n)kelef . by berghen i(n) norweghene . vmme / erue tylseken egbrech tribuzes . dochter synes broders . vn(de) her / detmer hollogh(er) . vmme dat sulue erue . der vorsprokenen tilse/ken . syner suster dochter kind . des se mid beraden mode vn(de) / guͦden willen . tuͦ vns ghegan syn . an rechte vn(de) an mynne . / dar hebbe we se aldus vnscheden . an mẏnne vn(de) an vru(n)dschap . / dat de vorbenomede her mathias ecbrechtes broder tribuzes / schal laten van deme erue eft he wat rechtes dar ane hebbe / edder hebben mochte . Des heft her detmer hollogher gheuen her / mathias hir vorbenomet egbrechtes brodere . viftich lubesche / mark an minne vn(de) an goden . na vser vntschedinghe . vnde / sprekende . Jn en tuch . desser dinghe vn(de) deghedinghe . des hebbe / wy arnd c(ro)pelin . vnd(e) frederek suderland hir vorbenomet vnse / ingheseleghe vor dessen bref ghehenget deghedinghes . vnd(e) / sones lude . desser vorbenomeden bederue(n) lude , thuge desser / dink . sind acbare vn(de) wise ma(n)ne . her h(er)men lyse . borghemest(er) / her hinr(ik) frese . her ludeke van godlande de olde . her johan / van der kyritze . her bernd copman . her symo(n) quast . radma(n)/ne tuͦ rozst(ok) . vn(de) hinr(ik) wyzstoch . des stades schriuer dar sulues / vn(de) andere vele bederue lude . de truwe werdech sin . Dit / is gheschen . in der kerken tuͦ vnser vrowen tu rozst(ok) . na / godes bord . dusend iar drehunder iar . in deme twe vnd(e) / sesteghesten iare . des sondaghes . na vnser vrowen daghe / tu lichtmissen [H(er) ... hoppen] . /