Anno d(o)m(ini) m ccc lx septimo fer(i)a qu(in)ta infra octaua(m) corpor(um) (christum) / Wẏ Ratmanne tho Rozstok mẏd endrachtẏghen willen hebben des ouer/enghedreghen , vnde settet dat so we molenstene koft vnde vp / settet he sẏ borgher edder gazst . de scal gheuen vor de stede / vor enen ẏewelken sten . ene lubesche mark . vnde de stene / scal men anders nerne setten men in¹ vppe de wonlẏken stede / buten dat mølendor wolde ok en gast allentelen stene vor/kopen also me(n)neghen he vorkoft so me(n)neghe lubesche mark / scal he der stad gheuen /

Wẏ Radmanne tho Rozstoch endrachtẏchlẏken sẏnt des tho² Rade worden / vnde hebben dẏt sette ghesaad dat alle de ghene de lẏfghedingh / buten der stad hebben scholen dat wul vorscheten vnde de / ghene de dat bẏnnen der stad mid den ghodeshusen hebbe(n) / de scholen dat half vor scheten . Men de ghene de dat mid / der staad hebben . de scholen ene ẏewelke mark also menneghe / mark he des jares vpboret vorscheten also hoghe alse sük / dat des jares børet /