Witlik sẏ al den jene(n) de dessen bref seen vn(de) hore(n) lesen dat wẏ Ratma(n)ne tho rozstok beke(n)e(n) / vn(de) bethughen ope(n)bar in desse(m) breue dat wẏ mit endracht vnsen gantze(n) Rades vnd(e) vser stad / hebbe(n) rechtlike(n) vnd redelike(n) vorkoft hern alb(er)te Trauelma(n)ne enem ratman(n)e tho Lubeke / vnd Borgh(ar)de t(ra)uelman(n)e eneme Borgh(er)e dar sulues . h(u)nd(er)t m(a)rk gheldes lubessch(er) pe(n)ni(n)ghe / Jarlik(er) rente vor duse(n)t mark Jarliker re(n)te¹ lubessch(er) pe(n)ni(n)ghe de vns va(n) en to vnse(n) wille(n) / rede wol betal(et) sẏn in reẏde(n) witte(n) lub(eschen)² pen(n)i(n)ghe vn(de) de wẏ vort i(n) vser vorscreu(ene) stad notroflike(n) / nuͦt ghe ker(et) hebbe(n) vn(de) vte gheue(n) desse re(n)te sculle(n) wẏ vnd vse nakome(n)lighe en vnd / ere(n) erfname(n) v(n)bewore(n) vntrichte(n) vn(de) betale(n) Jewelkes Jares vppe su(n)te me(r)tens dagh² bynne(n) / der muͦren tho lubeke van vser wisseste(n) re(n)te vn(de) guͦde vp vse kost arbeẏd vn(de) eue(n)ture / W(er)e dat wẏ desse re(n)te vp de(n) vorscr(euenen) dagh vn(de) tid nicht vte gheue(n) alse vorben(omed) is dat god / nichte(n) wille(n) oft se dar den ẏeneghe(n) scade(n) af neme(n) dar sculle wẏ vn(de) vse nakomeli(n)ghe / en vn(de) ere(n) erue(n) wul vore duͮn alzo vele alzo moghelik vn(de) redelik is . vortm(er) so hebbe(n) / se vns vn(de) vsen nakomeli(n)ghen de ghnade gheue(n) dor su(n)derlik(er) vru(n)tscap wille(n) . wan(n)e wẏ / tho en² zegghe(n) vppe su(n)te Joh(ann)es dagh tho midde(n) zom(er) dat wẏ den(n)e dar na vp de(n) negheste(n) / su(n)te m(er)te(n)s dagh de vorebenom(ede) re(n)te wedder kope(n) moghe(n) vor de vorebenom(ede) sum(m)e gheldes / mit der re(n)te de dar de(n)ne³ tho bord vnd scuͦlle(n) en vnd ere(n) erfname(n) dat betale(n) binne(n) / der muͦren tho lubek In alzo daneme ghelde alse wẏ dat van en entfanghe(n) hebbe(n) alze / vorescreue(n) is Tho ener thughnisse vn(de) ener wulle(n)komene(n) bewari(n)ghe hebbe wẏ vser / stad g(ro)teste ingheseghel vor desse(n) bref ghe he(n)gh(et) late(n) datu(m) rozst(ok) a(n)no d(o)m(ini) mº cccº lxxiiii / ip(s)o die nat(iv)itat(is) b(ea)te ma(r)ie v(ir)g(inis) g(lo)r(i)ose / ⁴