Wẏ børgermestere . vnde Ratmanne to Rozstok bekennen vnde betꞹghen openbare in desseme ieghenwardigen breue . vnde doͮn witlẏk / allen lꞹden in desser scryft . Dat wẏ . vnde vse nakømelẏnghe schuldich synt van rechter schult . Deme Erbaren manne conrad / vnrowen . vnde sẏnen rechten eruen . vyfhundert mark . vnde vif vnde drẏttich mark rozstoker pe(n)nẏnghe . De he vs in reden witte(n) / pe(n)nẏnghen de ghenghe vnde gheue sẏnt ghelenet vnde ghetellet heft . De wẏ ok vordan in openbare notroft vnd nvd vser vorbeno/meden stat vtegheuen . vnde ghekeret hebben . Desse vorbenomeden vẏfhundert mark . vnde vyf vn(de) drẏttich mark rozstocker pe(n)nyn/ghe schulle wẏ vnde vse nakomelẏnghe . Deme vorbenømeden conrade vnrowen . vnde sẏnen eruen in der hochtẏt toͮ paschen . De / nv neghest toͮkomende is bereden mit reden witten pe(n)nẏnghen De ghenghe vnde gheue sẏnt in vser vorscreuene(n) stat sunder iene/gherleye vortoch . hꞹlperede vnde arghelẏst . Dat loue wy vor vs . vnde vse nakomelynghe . Deme vorbenomeden conrade vnrowen vn(de) / sẏnen eruen vestliken vn(de) vnbrekelken toͮ holdende in desser scryft vnde hebb(e)n toͮ tughe . vser stat grote ingheseghel . van vser / aller hete vn(de) wetenheyt ghehenghet laten . in dessen bref . De gheuen vnde screuen is toͮ Rozstocke . Na godes bort drutteyn / hundert iar . in deme neghene vnde souentighesteme iare in sunte woltborghe daghe . De hilgen iunkvrowen . . /