Ik dẏderik renzẏngh børgher toͮ me hamme . Do witlik allen lꞹden . de dessen ieghe(n)wardighen bref seen edder høren lesen vn(de) bekenne / vn(de) betꞹghe openbare in desser scrẏft . Dat ik mit goͮden vrẏen willen vn(de) mit wol beraden moͮde svnder ienigerleẏe dwank . deme / Rade vnde vor deme Rade der stat toͮ Rozstock mit vprichteden vinghere(n) hebbe gesworen in den hillegen . Dat ik mẏ in allen / saken . De twẏschen clawes ellesholte borgere dar sꞹlues vppe ene sẏde . vn(de) mẏ vppe de anderen sẏden . gherøret beweghet hanghende / vn(de) stande sẏnt van des erue goͮdes wegene . Dat Hinrik renzẏngh(e) mẏn sone na sẏme dode heft na sẏk ghelaten vn(de) ik gheeschet / vn(de) manet hebbe alse en recht erfname wil in lubescheme rechte nøghen laten . vn(de) wil gheneten des rechtes . Dat my dar sulues / toͮ Rozstock(e) . edder van deme Rade toͮ lꞹbek(e) eft id dar vøre kꝟmpt an eẏme schuldene(n) ordele toͮghevunden vn(de) ghedeẏlet wert / toͮ eẏme gantzen ende . . vnde dar en bouene So en wil ik nv . edder nvmmer in toͮkomenden tẏden . iemende . he sẏ borger copma(n) / edder gast van Rozstock(e) bẏnnen landes edder buten landes v(m)me der vorscreuene(n) sake willen schutten . beswaren . hẏndere(n) edder / areghen ienigherleẏe wẏs . efte hẏndere(n) . schutten . vn(de) areghen laten bẏ mẏnen vrunden . vn(de) maghen . edder bẏ vromeden lꞹden / se sẏn we se sẏn heymeliken . efte openbare svnder alle areghelẏst . To tꞹghe desses dinghes is mẏn ingheseghel ghehenget mit / mẏme willen vor dessen bref . De gheuen vn(de) screuen is toͮ Rozstock(e) Na godes bord drꞹtteẏnhvndert iar in deme negene / vn(de) souentighesteme iare . in svnte Sixtus daghe . des hilleghen paueses vn(de) merteleres . /