Ik hinric Trepetow eẏn borgh(er)e to Rozstocke mẏt mẏnen rechten erue(n) ¹ beke(n)ne vn(de) bethuͦghe ope(n)bar an dessem breue vor alle den ghenen de / desse bref horen lezen vn(de) seen dat dat huͦs dar her Hinric de p(ro)uest thoͮ buͦtzow vn(de) de archẏdiaken thuͦ Rozstocke ane wonet dat / dar steẏt yeghen Volrat Vorholtes ouer vn(de) dat huͦs dat dar bẏsteyt achter Wẏlken moleknechtes huͦs de sulue(n) twe hus mẏ ghe=/screue(n) synt inder stad buͦc thuͦ t(ru)wer hant dat ik vn(de) mẏne erue(n) ande(n) vorbenu(me)den twen erue(n) nichtes dar ane hebbe edd(er) hebben / schole(n) . Mer wer(et) dat de vorbenu(me)de p(ro)uest edd(er) weme he dat bevule dedes mach hadde dede vorbenu(me)den twe huͦs vor kofte edd(er) vor gheue / zo scal ik vn(de) myne erue(n) de vorbenu(m)den twe huͦs ga(n)tz vorlate(n) va(n) der ha(n)t vn(de) deze kofte edd(er) weme ze worde(n) ghe gheue(n) va(n) deme de des / mach hadde van des vorbenu(m)den p(ro)uestes weghen deme schal ich vn(de) mẏne erue(n) de vorbenu(m)den twe huͦs ga(n)tz scriue(n) late(n) tho der / ha(n)t Vortmer beke(n)ne ik mẏt mẏne(n) erue(n) dat ik vn(de) mẏne a(n) den Worbenu(m)den twen huͦzen nichtes betalet en hebbe(n) men de vorbe=/nuͦmede p(ro)uest heft de vorbenu(me)den twe hus betalet mẏt zẏneme eghene(n) ghelde Vn(de) dat he mẏ vn(de) mẏne(n) erue(n) de vorbenu(me)den twe / huͦs let scriue(n) dat dede de vorbenu(me)de p(ro)uest nach deme zede vn(de) nach deme Rechte der stad thuͦ Rozstok we(n)te meyn nene(n) papen / thu Rozstok erue scrift tho ener ope(n)barere(n) betughi(n)ne zo hebbe ich hinric trepetow borgh(er)e thuͦ Rozstok mẏn Inghezeghel ghehe(n)ghet / vor dessen breef dede gheuen vn(de) ghe screue(n) Js thuͦ Rozstocke na godes bort dorteẏnhundert iar in deme eyn vn(de) achte(n)techghesten / Jare des anderen daghes na sunte Joha(n)neze baptiste(n) alzo alze vmme wart dat howet wart afghe sclaghen /