Wy Borgermestere . vnde Radmanne der stad toͮ Rozstok / synt des gantzlyken . mit eͤndracht to rade worden dorch / nut vnde vromen willen vser borghere vnde borgherschen / dat wy hebben ghemaket . vnde ghesat desse nascreuenen wil=/kore vnde gesette . de eͤn yewelk man . de in vser stad wonet / he sy Borghermester . Radman . borger edder borgersche hoͤlden / schal bi pyne vn(de) bi vorlust xx marke suluers /

To deme ersten . dat nyman van vsen borgheren edder nẏn / vrowe de vse Borghersche is scal enen . anderen de vse borgher / edder borghersche is . . laden edder laden laten vor eͤn gheͤstlik / Recht binnen vser stad edder buten vser stad . hemeliken . edder / openbar By sik suluen edder bi anderen vromeden p(er)sonen . bi / xx marken suluers /

Vnde were id . dat yenich man van vsen borgheren edder ye=/nich vrowe . de vse borghersche is . dar enbouene yenigen man . / de vse borgher is edder yenighe vrowen . de vse borghersche is / mit gheͤstlykeme rechte beswarede edder beswaren lete bi / anderen . p(er)sonen . hemeliken edder openbare . binnen vser staͤd / edder buten vser stad . de schal em des benemen . vnde em sinen / schaden vnde koste wedderlegghen va(n) sẏneme eghenen guͤde / vnde schal . wedden vser stad . xx mark suluers /

[V]ordmer vmme nut vnde vromen . willen vser borghere . hebbe . / wy geramet . vnde gesat . dat de . wandsnydere des schonen . wandes / vs(er) stad eren . wandsnede hoͤlden . scholen . alse . he . van . oldynges gehol/den is . also dat se nyn grof graw edder wit wand . edder andere . / lakene . van wat varwen see syn . benedden . teyn marken . bi sik suluen / eren vrowen . eren knechten . edder bi anderen . p(er)sonen . van erer weghene . / snyden edder snyden scholen . laten . hemeliken . edder openbare . men . smal . / engelisch wand geheten . damdoͤk . mogen . se . wol . snyden . vnde were / dat we dar enbouene dede . dat scholen . de . olderlude . der sulue(n) wa(n)dsnyde(r) // kundegen den den weddeheren . vser stad . de scal dat wedden . vnde beteren . / mit dren marken suluers . dar en . wil em de rad nicht aue laten . /

Vordmer dat de wandsnyde(r) des grawen . vnde witten wandes . vser stad . / scholen . eren . wandsnede . holden . ok alse . he van . oldẏnges geholden is / Also dat see nyn schone wand . edder lakene van . teyn marken vnde dar / enbouene van . wat varwen . see syn bi sik suluen . eren vrowen eren . / knechten edder bi anderen . p(er)sonen . van . erer weghene snyden . edder snyden . / scholen . laten . hemeliken . edder openbare . men . grof graw . wand vnde . wit . / vnde . andere lakene . Benedden . teyn marken . vnde smal . engelisch geheten . / damdoͤk mogen see wol . snyden gelike den . wandsnyderen . des schonen . / wandes . . Were dat we dar enbouene dede . dat scholen . de olderlude . der sul=/uen . wandsnydere kundegen . den . weddeheren . vs(er) stad . de scal . dat wedden / vnde beteren . mit dren marken suluers dar en . wil em de rad nicht aue / laten . . . desse . vnde alle andere willekore vnde sette . scholen . stan to der . / anderẏnge vnde vorbeterynge . des Rades . /