Also vmme de . x . m(a)r(k) gheldes to cleue dar ghert van der aa her Johanne an sprikt mach her Johan / dat bewisen also he van rechte schal . dat se dar vmme eer v(m)me to ende vor scheden . so scal id dar bẏ / blẏuen . Ok also he ene an sprikt vmme . x nobilen . des tuͦt her Johan to bedderuen luden . de dar øuer / vnde ane wesen hebben . dat se dar v(m)me vor scheden sẏn . to ende mach her Johan dat bewisen alse he / van rechte scal . he scal des neten . Ok also he sprikt v(m)me de mølen to bẏstouen also alse se dar eer v(m)me / vor scheden sẏn mach her Johan dat bewisen alse van rechte schal id schal dar bẏ blẏuen . Ok also ghert sprikt / v(m)me den molensten den he scal twiẏe beret hebben also he schrift . dat he eme bewisen wil dat he ith iohan¹ geschreue(n) / heft mẏt sẏnes sulues hant . wes he dar ane bewisen kan . also he van rechte schal . des schal he gheneten / Ok also ghert her Johan v(m)me en pert wes e(m)me her Johan dar ane bekant . dat holde he eme wes he eme / nicht enbekant . dar mach her Johan mẏt Rechte af scheden . Ok also ghert schrift vmme sappeol dar erer / beẏder kore schal wes e(m)me her Johan dar ane bekant . dar he eme dat holde . Ok also ghert her Joha(n)ne . / schuldeghet . oft he wes vp gheboret heft na sẏnes vader dode wes eme dar ane bekant . dat he eme / dat wedder gheue . wes he eme nicht entbekant . dar mach her Johan mẏt Rechte af scheden / Ok also v(m)me de breue de vppe dat dorp spreket to bẏstouen vn(de) de wustenẏe to delende dat se syk des / vnderlanghen ghutlẏken vordreghen konnen se nicht so wil wẏ se dar v(m)me vor scheden mit Rechte / Bouen alle ding also her Johan schrift dat he wille bewisen mẏt der stat bꞹke dat he endelende / sake heft mẏt gherde vnde sẏner mꞹder dat schal endet blẏuen in alle dessen saken . /