Ik hermen zelyghe myd myne(n) erue(n) beke(n)ne vn(de) betughe openbar in desseme yeghenwardyghe(n) b(re)ue dat ik myd / den erbare(n) lꞹden Alse myd den borghermeyste(re)n vn(de) ratma(n)ne(n) . to rozstok . vn(de) myd den hoghen . hebbe ene / gantze suͦne vn(de) vrede . v(m)me de venghenisse . alse ik van ere(n) denre(n) . g(re)pen vn(de) vanghen wart vn(de) wyl dar nu(m)=/mermer vpzake(n) vn(de) wil ok dat lant to rozstok nycht roue(n) . Edd(er) anverdyghen . Edd(er) nu(m)me(n)t de in deme / lande to rozstok woͦnet . Dar se my rechtes ouer helpen møghen Men we(re)t dat my(n) erue heͤre . Ere vy=/ge(n)t w(er)e edder wørde . So muͦt ik vn(de) wil . by myneme here(n) blyue(n) . vn(de) duͦn alse mẏ børet to du(n)de . / Alle desse vorsc(re)ue(nen) stukke . loue ik vorben(omede) zelighe myd myne(n) erue(n) vn(de) myd myne(n) medeløu(er)e . alse myd / lippolde van leste(n) in gude(n) t(ru)we(n) myd ener zamiden hant Deme vorben(omeden) rade to rozstok . vn(de) den hoghen / To mer bewary(n)ghe hebbe wy vse inghezeghele heng(et) vor dessen bref . de gheue(n) is to der lawe na / godes bort drutteynhu(n)dert iar in deme twe vn(de) neghenteͤghisten iare . des negheste(n) zu(n)aue(n)des / vor vser leue(n) vrowe(n) daghe to lychtmyssen . . . /