Ik hartwich bulle anders genomed van der oldenstad knape bekenne vnde bethuge ope[n]bare Jn desme iegewor=/digen breue vor allen luden de Ene zeen edder horen lezen . dat twisschen den Erliken ma(n)nen borg(er)mestere(n) / vnde radma(n)nen vnde borghere to Rozstok . vnde my Ene ewige stede zone vn(de) wissend vrede gedegedyng(et) / is Jn desser wize dat ze my aller voreschichte manynge vn(de) schelynge los gheue(n) hebben . vnde dar vme / schal ik edder wil nu(m)mer der vorb(enomede)n borgermeyste(re) radmane vn(de) borghere to Rozstok vyend werden / Were ouer dat de here . des ik in syme lande wonaftich were Eres heren vyend worde so schal ik my / an en to vorn Jn Eren vorwaren . dar mede schal desse vorb(enomede)n vrede vn(de) zone nicht gebroken wesen . / wenne de krygh gezoned is so schal desse zone by macht blyue na alze vore . Ik scholen wandere(n)de / lude de kopuard edder peleg(re)macze theen . ihegen my vn(de) de vme myne(n) willen don vn(de) late(n) wille(n) . desses / vredes vn(de) zone neten Jn der heren weghe to mekelenborgh alze in deme lande to rozstok . vnde / dar vme dat my de vorb(enomede)n borghermeyst(er)e vn(de) Radma(n)ne to rozstok alle vorschichte los gheue(n) hebbe(n) . schal / ik vn(de) wil En vnde eren borgheren truwelken denen myt teynen weraftich wa(n)ne vn(de) wor ze my esschen / behaluen ouer de solten zee . In desse zone hebben ze thogen . de mane in der voghedye to der zulten / vnde ere ghud . de stad vn(de) Ere voghedye to der zulten . desse vorscreuene zone vn(de) vrede . loue ik / hartwich bulle vorb(e)n(omed) den borghermeystere(n) radma(n)nen vn(de) borgheren to Rozstok vaste vn(de) vnbrekelken / to holdende sunder argh myne medelouere . alze myt deneken van der oldenstad to gremelin kers/ten van oldenborgh to vitegaste Cord nortman to sapekendorpe vn(de) drewes petzeken to deme vrede(n)hagen / knapen . vnde hebben des to tuchnisse vnde to bekantnisse myn Jngesegel myt den Ingesegelen . / myner vorb(enomede)n medelouere henghed vor dessen bref de gheue(n) vn(de) screue(n) is to Rozstok na godes bord / drutteynhundert iar Jn deme twe vnde negentegesten iare des mandaghes negest na sunthe Andreas daghe des hilghen aposteles . /