Wẏ Borghermest(er)e vnde Ratma(n)ne to Rozstok mit vsen nakomelingen bekennen / vn(de) betugen openbare in dessem jegenwardigen breue . vor alle den jenne(n) de / en seen efte horen lesen . dat wi sculdich sint witliker scuͦlt . Marquarde / warsowen vn(de) sinen rechten Eruen . huͦndert mark twevn(de)vertich m(a)rk vn(de) enen scilling . Rozstocker pe(n)ninge to beredende to suͦnte merte(n)s dage nuͦ / negest to komende is . sunder lengher vortoch vn(de) ane sinen schaden alle desse / vorsc(re)uen stuͦcke loue wẏ Borg(er)mester vn(de) Ratma(n)ne . vorben(omet) mit vsen nakome/lingen . Marquard warsowen vn(de) sinen rechten eruen . stedeuast to holdende / suͦnder argelist . to grottere betuchnisse hebbe wi der stad Jngezeghel / henget an dessen breff screuen to rozst(ok) na godes bord dusent drehuͦnde(r)t / Jn deme vere vndenege(n)tigisten iare des sonnauende vor des hilgen cruces dage / also id vorheuen wart /