Ik Margareta wedewe her arndes van ghummeren Ridders deme god gnade bekenne vnde betꞹghe openbare Jn desseme iegenwordige(n) breue vor allen lꞹden de Ene / zeen vnde horen lesen . dat ik myt myme sone arnde van ghummeren vnde mynen anderen kẏnderen na rade vnde myt vulbord vs(er) eruen vn(de) vs(er) neges=/ten vnde alle der ghene dar des wes a(n)ne is edder ienigherleẏe wies anne wesen mach . Reckelken vn(de) redelken vorkoft hebben vn(de) laten . vn(de) vorkopen vn(de) / late in desser scrift . deme Erbaren manne hern iohanne van der aa . Borghermestere to rozstok vnde synen rechten erue(n) vse dorp vn(de) ghud to der schu=/tow vor drutteynhundert mark Rozsteker pennynge vnde veftich mark der suluen mu(n)the . de vs to dancke wol bered heft . myt aller ghulde nuͦth / pacht rechte vn(de) rechticheit . myt ackere buwed vnde vngebuwed . myt holten wisschen muͦren toruen . myt weghen vth vn(de) in . myt visscherie wa=/tere waters afulote vn(de) toulote vnde menliken myt alle des ghudes tobehoringe . dar degher nicht vth to nemende alse id licht vn(de) van oldynges / geleghen heft in allen enden syner schede vry vn(de) vredesamelken to hebbende vnde to besittende vs vnde vsen Eruen in deme suluen ghude to der / Schutow(e) degher nichtes to beholdende vnde ik Margareta vnde arnd myn sone . myt myne(n) anderen kynderen vnde myt vsen nascreuenen . / medelouere(n) scholen vn(de) willen her iohanne van der aa . vn(de) synen rechten eruen . des ghudes waren alse in deme lande recht is vor alle de ghe/ne de vor recht komen willen vnde recht gheuen vnde nemen willen . vnde alle breue de vppe dat ghud synt . de scholen her iohanne vn(de) synen / Eruen vorb(e)n(omet) bruklik vnde hulplik wesen vnde vs nicht . Alle desse vorscreuene stucke vnde en iewelik by sik loue ik margareta myt myme sone / arnde her arndes sone van ghu(m)meren myt den anderen kynderen her arndes van ghu(m)meren myt vsen erue(n) vn(de) medelouere(n) alse woldemer / molteken to pentzin mathias axecow woldemer molteken to der nyenkerken vn(de) joachim barnecow myt samender hand her iohanne van der / aa vn(de) synen rechten eruen stede vast vn(de) vmbrekelik to holdende sunder ienygerleye hulperede vn(de) argelist To openbarer bekantnisse vnde / groterer bewarẏnge alle desser vorscreuene(n) dynge hebbe ik arnd van ghu(m)meren her arndes sone van ghu(m)meren . myn Jngezegel van mar/gareten myner moder weghene vn(de) myner brodere weghene myt den Jngesegelen vser vorscreuene(n) medelouere myt willen vn(de) witscop / henghet laten vor dessen bref de gheuen vn(de) screuen is to Rozstok na godes bort drutteynhundert iar in deme sos vn(de) negentegesten iare / des dunnerdaghes Jn deme paschen . /