De Rad v(m)me der borghere vnd(e) menhet beste wyllen to Rozstoke hebben / vorscheden de hoken vnd(e) andere lude de de zolten heringh by pe(n)nyngh / werden vth zellen vnd(e) hebben zattet to holdene . dat borghere vnde / gheste des marketdaghes in der stad Rozstok dar market den ys zellen / moghen zolten heryngh vte den tu(n)nen by pe(n)nyngh werden ghelijke / den hoken ze hebben den heryngh ghe koft edder zulue(n) van schone / ghebracht Men in anderen daghen de nicht market daghe zynt / zo moghen borgh(er)e edd(er) borgher knechte heryngh den ze suluen / van schone bracht hebben zolt vth zellen by pe(n)nyngh werden vor / dem hilghengheẏste des heft gheghuͦnd de Rad van gnaden vnd(e) / steyt to deme rade oft ze dat vorande(re)n wyllen /