Anno d(o)m(ini) Millesimo cccc xlv d(o)m(ini)ca p(ro)xima p(ost) Epyphanie Swor hermen / vimke ene witlike oreueide in der jeghenwardicheit der Richtehere(n) Alse her Johan / vnrowen vn(de) her Johan langhen Alse he seten hadde in der stat slote alse he betege(n) / wart dat he sunte peter scholde bescheddighet hebben alse bute(n) sunte petersda(m)me / vor deme hilghen Cruce dar he vn(de) sine erue(n) vn(de) vrunt bore(n) vn(de) vngebore(n) ghestlik / vn(de) werlik scholen noch en willen witen ofte wreken veiden ofte bescheddighen de(n) / Rad der stat Rozstok noch de ene toneden noch ere denre noch ere borghere / noch de se vordeghedinghen noch ere gudere bynne(n) ofte buten noch nu(m)mende / v(m)me der vorbenomeden schicht willen bi landes leghere bi manscop lenende / vn(de) vort In tokomenden ewighen tiden test(amentarii) Jacob gruwel helmich stolte / vn(de) hans langhe /