Anno d(o)m(ini) Millesimo cccc xlv ffe(ria) sex(ta) an(te) Reminisce(re) wart voruestet gereke / bleyg dar v(m)me dat he tewes koke hadde an ghewracht dre blot vn(de) blaw / ene vullenkomene wunde vn(de) ene(n) wlete vn(de) ene vare des leuendes dar he sik / v(m)me gaff in ene vorulucht vn(de) wart to dren tiden eschet in dat recht vn(de) is ne / to antworde kome(n) vn(de) is dar v(m)me vredelos lecht in desseme rechte vn(de) an alleme / lubeschen rechte Ordel vn(de) recht gaff oft de sulue tewes kok ofte sine vrunt edder / der stat denre ene wor an queme(n) vn(de) wolden ene toven myt rechte vn(de) he / sik nicht wolde toven laten worde he dar ouer wundet ofte dot gheslaghen / de Jennen de id deden se drosten dar nene nod v(m)me liden /