1447-02-05

Anno d(o)m(ini) M CCCC xlvij ffe(ria) prima In vigi(li)a s(anc)ta dorothea wart peter / ernst de basimer vor dat recht bracht alse he sik sulue(n) henget hadde / Ordel vn(de) recht gaff me(n) schal ene graben vppet velt vn(de) oft me(n) Iemende aff / vresschen ofte vraghen konde de dar vm(me) Rad ofte daet mede hat heft / alse he is kome(n) van deme leue(n)de tome dode se scholen vnuorsumet / wesen Jn alle ereme rechte /

1447-03-12

Anno d(o)m(ini) Millesimo CCCC xlvij ffe(ria) prima an(te) letare wart dot vor / gherichte bracht Clawes hesse alse em hinrik brome hadde an ghe/wracht in blot vn(de) blaw vn(de) ene(n) benbroke dar he is mede kome(n) va(m)me / leuende tome dode /

1447-03-31

Anno d(o)m(ini) M CCCC xlvij ffe(ria) sex(ta) an(te) d(o)m(ini)ca palmar(um) wart vor/vestet hinrik brome alse he hadde an gewracht Clawes hessen dre / blot vn(de) blaw vn(de) ene(n) benbroke dar he mede is kome(n) va(m)me leuende tome / dode dar he sik in ene vorvlucht vm(m)e geue(n) heft vn(de) is dar vm(m)e eschet / Jn dat recht to dren tiden vn(de) is ne to antworde kome(n) dar he is vm(m)e / vredelos vm(m)e lecht in desseme rechte vn(de) jn alleme lubesche(n) rechte / ordel vn(de) recht gaff oft des sulue(n) hessen vrunt ofte der stat denre / ene wor an queme(n) vn(de) wolden ene tonen myt rechte vn(de) wolde he / sik nicht wolde¹ tonen late(n) wurde he dar vm(m)e wundet ofte dot ge/slagen de Jenne(n) de id deden droste dar /

1447

Anno d(o)m(ini) M CCCC xlvij ffe(ria) quinta wart dot vor gerichte bracht petr / Redingh alse em hans gylowe hadde en gewracht eyn blot vn(de) blaw vn(de) ene / vullenkome(ne) wunden dar he mede is kome(n) va(m)me leue(n)de tome dode /