Den Ersamen weisen mann(en) hern Borg(er)meister(e) vnd rathmann(en) der stat rostok vnsen gunstigen guden vru(n)den / Begere(n) wy borg(er)meister(e) vnd rathmann(e) der stat Elbing mit vruntlikem grøte witlik to synde vnd tugen apen/bar in vnd mit desssem vnsem breue , dat uor vns sint gekamen . de Erbaren vrouwen gerdrud jacob hoffemans / nagelatenne elike hwsurouwe . vnd margareta hans erleben elike hwsuorwe¹ vnse medewoners twe elike suster(e)n / vnd hebben vns to kennen geuen , dat ener juwe borger jacob broel genant uw negesten uorgangen(en) her/ueste mit spy uorstoruen sy . dem got genade . welk iacob broel . mit en van twen sustern echte vnd rechte sint / gebaren . vnd dat se to der helffte syner nagelaten(en) guder de negesten erffnamen sint vnd nemands negher effte / mit en gelike nae , ok sint uor vns gekamen twe oltsetenne erbar vrouwen alse mit namen . dorothea henrik / teggels . vnd barba(re) . hans kemerß elike hwsurouwen tugeswerdige psonen vnse leuen borgerschen . vnd hebb(e)n / mit eren upgerichten vingern gestauedes edes uor vns to den hilgen geswaren vnd betuget . dat de uorgedachte / jacob broel mit jiv uorstorven , vnd de twe vrouwen gerdrud vnd margareta uors(creuen) , sint gewest twier suster / kinder . echte vnd rechte vt enem eliken bedde vüller bort gebaren . vnd dat se de negesten erfnamen to der . / helffte siner nagelatenn(en) guder sint vnd nemands neger offte mit en gelike nae , des so hefft de uorgedachte urouwe / gerdrud vulmechtich gemaket hans erleven uors(creuen) , dessen bewiser alsulke nagelaten guder de ere to erem dele / gevoren mogen . to surdenn . up to voren qwit schelden in aller macht aff se sulues psonlik kegenwerdich we(re) / dat sulue stede . vaste vnd vnuorserlik to holdende in tokamenden tijden , hirv(m)me wy zulue ersamcheit . degher / mit vlite vruntlik bidden , dat gy dem mergedochten hans erleven . gunst vordernis . vnd guden willen ? / bewisen willet also dat eme de uors(creuenen) guder dat to gy ene recht hebben urdet darkennen . ane grote kosche / vnd t...?ge gutliken volgen mogen , dat wille wẏ begen jw vnd de juwen in sulben affte ander saken g(er)ne? / wedder uordenen wor wy mogen ; ok gelaue wy jw in crafft desses breues dat gy noch de juwen van der / wegen , byue namanu(n)ge offte ansproke dar v(m)me lyden sullet in tokamenden tyden ?es tom Elbing vnde / vnsem seart inbekentnisse der uorg(enanten) sake to rugge hir upp gedruckt im ja(r)e vnses hern vertenhundert / vnd dar na ju dem fufftigysten ja(r)e in aller aposteln dage