Witlick zij dat na der bort (christi) vnses heren M cccc dar na ym(e) lxxxx jare / am(e) dinxtedag(e) na visitatio(n)is Marie vor deme Rade to Rozstogk zin Irschenen / de Beschedenne manne olderlude vnde gantze ampt der Boddeker geuen / to vorstande zie erlicken vnwillen gehat hebben mit eynem knechte ores / ampt(es) . hinr(ik) Eggerd genant welker vnwille yn aldusdaner wisze / mit willen vnde vulbort beider parte to eynem(en) gantzen ende gesleten / vnde geflegen js geworden Alszo dat hinr(ik) v(or)g(ena)nnt bynnen Rozstock mach / bruken dat ky(m)me(n)t vnde allent wes dar tobeharende js mit twen knechten / na zyner bequemicheit , schal dar bauen vnuorplichtet wesen deme / ampte der Boddeker jenni(n)ge rechticheit todonde offte des ampt(es) haluen / orerer vriheit wedd(er)ume to geretende /