An(n)o d(o)m(ini) m cccc xcj [...] fer(i)a post jeorgi / Do were(n) iij to rechte esket v(m)e erer vndat / wille(n) dat se hadde(n) maket j vntemlike/sam melingk jeghe(n) de(n) rat vn(de) jeghe(n) de borgher / also pawel glashaghe(n) vn(de) marquͮart buͮrmester / vn(de) maties wolghemot vn(de) al de jene(n) de dar / hebbe(n) raat vn(de) dat mede in ruͮne(n) vn(de) in / mede vorte(n)de so sint se in esket to deme iij / male mit ij besete(n) borghere(n) vn(de) mit deme / minste(n) rechte to rechte bame(n)de rech to gheue(n)de / vn(de) to neme(n)de vn(de) is iij vraghet vt deme / rechte gift dar jemant were vor em to / ant worde(n)de he si ghestlik edder werlik / vruͮwe edder ma(n) arm edder rike juͮnk / edder olt dar doch nema(n) quam war en / to antwarde(n)de so synt ze lech vrede los / in desseme rechte vn(de) in alleme luͮbske(n) / rechte so heft en ordel vn(de) recht gheuͮe(n) / gift bj em quͮeme(n) der stat denre edder / de borghere vn(de) walde(n) se scuͮtte(n) vn(de) touͮen / vn(de) se sik nicht touͮe(n) late(n) wolde(n) worde(n) / se dar auer sclaghe(n) edder wudet se / scole(n) dar nene not v(m)me lide(n) /