Vnszenn vrantlicken gruͦdt touorenn Erszamenn wolwisen heren biszunderen guden vrunde wij don juw / gutlicken weten , dat vor vnns Js Irsschenen vnnsze medeborger hansz Ezengeber clegelicken gheuen / touorstande wodann(er)wisz eyner genombt Joachim Burouw hans burouwen Iuwes Borgers elicke zone / des v(or)g(ena)nnt(e)n vnnszes borgers zone van dem leuende to dode bynnen Rige gebracht hebbe [...] is vnnsze / beger gij den erbenom(eden) hansze Barowen guderwis vnderricht(e)n dat vnnszen Borg(er) vor synem / geslagen zone van hansze Barowen lick vnnde wandel moge wedderuaren wente wij befruchten / vnns dat mehr(er) vnwille mochte vt entspreten dat wij kennet godt almechtich vngerne zegen wohlen / Juw ock vnuorwitlicket nicht laten , mochten wij Juw vnnde denn Juwen vil mehr(er) to willen don / deden wij kennet godt allewege gerne die Juwe Erszamheide lange wolmogende spare Buwen desz / Juwe richtige besccreuen(er) antworde screuen vnnder vnnszem Signet(um) am(e) vridag(e) nha der octanej corpor(is) (Christi) / anno (etc.) xciiij / Borgermester vnnd / Rathmann to Rozstock /